O Baíña Fútbol Sala e o Concello de Baiona organizan esta fin de semana unha nova edición do Torneo Vila de Baiona, un evento deportivo deseñado para gozar e celebrar o fútbol sala. O torneo levarase a cabo o sábado 15 de xuño no Parque da Palma de Baiona, con actividades que se estenderán durante todo o día, desde a mañá ata as 21:00 horas.
Este torneo, de carácter non competitivo, reunirá a participantes das categorías mini, prebenxamín, benxamín e alevín. O importante nesta xornada é o gozar do deporte e a convivencia, nun ambiente amigable e festivo. Os campos estarán adaptados a cada categoría, facendo os partidos máis divertidos e atractivos.
Ademais do fútbol sala, os asistentes recibirán un premio pola súa participación, poderán gozar dunha cantina con ampla variedade de bebidas e comidas dispoñibles durante todo o día. Así mesmo, realizarase unha recollida de alimentos para a ONG Ayuda al Mundo Necesitado de Baiona, convidando a todos os asistentes a contribuír con doazóns para apoiar ás persoas máis necesitadas da nosa comunidade.
