A parroquia baionesa de Baredo celebra esta fin de semana as festas na honra da Virxe do Carme. O sábado 17 de xuño o programa previsto comezará ás 15:30 horas co pasarrúas da charanga Vai de Baile. Ás 18:00 horas celebrarase a Misa no Porto do Porrido seguida de procesión ata a Igrexa acompañada pola mesma charanga. Pola noite, a orquestra Alabama e o trío La Clave amenizarán a verbena.
O domingo día 18 ás 10:30 da mañá a charanga Va Ka Pinta ofrecerá un pasarrúas, entrando posteriormente en Baredo. Ás 13:00 horas celebrarase a Misa Solemne na honra da Virxe do Carme seguida de procesión acompañada pola mesma charanga. Toda a programación está organizada pola Comisión de Festas de A Cela.
