A ONCE dedica o seu cupón de mañá mércores, 14 de setembro, ao Hospital Álvaro Cunqueiro, dentro da serie “Tú eres importante”, coa que a Organización rende homenaxe ao persoal dos centros hospitalarios. Serán cinco millóns de cupóns os que difundan a imaxe deste hospital vigués.
O Hospital Álvaro Cunqueiro, de Vigo, abriu as súas portas en xullo de 2015. Presta asistencia sanitaria a máis de 600.000 veciños desta cidade e a súa área de influencia. As obras de construción acometéronse en menos de catro anos. Conta co servizo de Urxencias máis grande de Galicia, con máis de 6.000 metros cadrados. O 70 por cento das habitacións son individuais. Ademais, incorpora 1.700 metros cadrados dedicados a laboratorios de investigación, favorecendo as sinerxias entre investigación clínica e básica.
Ten 845 camas (con capacidade de ampliación dun 30 por cento); 160 locais de consulta; 60 gabinetes; 24 quirófanos; e en Coidados Críticos conta con 116 postos de Recuperación post anestésica, Espertar e UCIs. “Tú eres importante” é unha serie de cupóns que mostra os hospitais de referencia das 50 provincias e as dúas cidades autónomas. O obxectivo é difundir o labor que realizan estes centros hospitalarios para mellorar a saúde de millóns de persoas, especialmente nestes momentos de loita contra a Covid-19.
Todas as loterías da ONCE compoñen unha oferta de xogo responsable, seguro e social que permite á Organización cumprir os seus obxectivos: realizar un amplo labor social e solidario destinando todos os ingresos a mellorar a calidade de vida das persoas cegas e/ou con outra discapacidade; e unha xestión segura e responsable porque a ONCE preocúpase de garantir a protección do conxunto de consumidores, desde o deseño dos produtos ata a súa comercialización.
O Cupón Diario da ONCE pon en xogo un premio de 500.000 euros ao número máis a serie, e 49 premios de 35.000 euros ás cinco cifras do número premiado. Ademais: 450 premios de 250 euros ás catro primeiras cifras e outros 450 premios ás catro últimas; 9.000 premios de 25 euros no caso de tres últimas ou tres primeiras; e o mesmo para as dúas primeiras e últimas (6 euros), e reintegro de 2 euros á primeira ou a última cifra do número premiado.
Os cupóns da ONCE comercialízanse polos máis de 19.000 vendedores e vendedoras da Organización. Ademais, pódense adquirir desde http://www.juegosonce.es, e en establecementos colaboradores autorizados.
