Tras o acto central do 8M, Día Internacional da Muller, este venres día 10 de marzo darase continuación ás actividades da “Primavera Lila” no Multiusos Mercado de Sabarís co obradoiro “Para rachar estereotipos de xénero”, dirixido ao alumnado do CEP Sabarís, ás 12:15 horas, en colaboración coa ANPA deste colexio. Xa pola tarde, ás 19:30 horas, haberá dous obradoiros moi interesantes: “Rir as penas. Risoterapia”, en colaboración coa Asociación de Viúvas de Baiona “Mercedes de la Escalera”, e “Cóidate. A importancia do autocoidado”, en colaboración coa Asociación de Amas de Casa de Baiona. O sábado, 11 de marzo, neste mesmo espazo ás 19:30 horas, haberá un espectáculo familiar baixo o título “Cinema de historias da man de Alice Guy (A nai do cinema)”, de Raquel Queizás, para nenos e nenas a partir de 5 anos.
