A Garda Civil investiga penalmente a un veciño de Mondariz (Pontevedra), condutor dun turismo que se deu á fuga, tras ocasionar un accidente cunha motocicleta, resultando o condutor desta, ferido grave.
Os feitos ocorreron o día 28 do pasado mes de maio, á altura do Km. 302 da autovía A-52 (Benavente-Porriño), sentido Porriño, cando un vehículo turismo procedente da estrada N-120, á altura do lugar denominado como Alto do Confurco, na manobra de incorporación á autovía interceptou a marcha dunha motocicleta, que circulaba na mesma dirección, impactando lateralmente coa mesma, provocando a súa saída de vía, impactando finalmente contra o valo da mediana, non detendo a marcha e ausentándose do lugar.
Como consecuencia do accidente, o condutor da motocicleta resultou ferido grave tendo que ser evacuado a un centro hospitalario.
Por parte da Comandancia da Garda Civil de Pontevedra, difundiuse unha nota de prensa solicitando a colaboración cidadá, para a localización do condutor do turismo que causara o accidente.
As xestións realizadas polo Grupo de Investigación de Accidentes do Subsector de Tráfico de Pontevedra, tivo como resultado, a identificación dun veciño de Mondariz de 22 anos de idade, propietario dun vehículo que tiña tapado cunha lona, nun garaxe aberto anexo ao seu domicilio, establecéndose un servizo de vixilancia para a súa localización.
O día 7 do presente mes, o propietario do vehículo presentouse no cuartel da Garda Civil de Ponteareas, confesando que era o condutor que causara o accidente, polo que, procedeuse á súa investigación como presunto autor dos delitos contra a Seguridade viaria, por abandono do lugar do accidente (Art. 832 bis CP) e outro de lesións por imprudencia grave (Art. 152.3 do CP).
As dilixencias instruídas entregáronse no Xulgado de Garda dos de Porriño (Pontevedra).
Desde o Subsector de Tráfico da Comandancia de Pontevedra, quérese lembrar que todo aquel condutor que se vexa implicado nun accidente, ten a obrigación de permanecer no lugar, adoptando as medidas de seguridade propias e de terceiros, máxime se no mesmo resultan persoas lesionadas.
Así mesmo quérese agradecer a colaboración cidadá durante a investigación, tras recibirse chamadas nas que se achegaban datos acerca do vehículo presuntamente implicado no feito.
