A Rondalla Santiago de Parada organiza a súa primeira saída pola parroquia. Terá lugar o domingo 19 de decembro desde as 9:30 horas facendo o seu percorrido habitual por barrios. Este é o primeiro ano que contará coa participación de Papa Noel, desde a agrupación explicaron que tras dous anos de pandemia non quixo perderse esta edición para agradecerlle a todos os nenos do núcleo nigranés o ben que se portaron. Ás 16:30 horas estará no Torreiro, antes do concerto de remate.
