O vindeiro sábado 1 de febreiro o Círculo Podemos de Baiona celebra unha asemblea aberta a toda a veciñanza no Centro Cultural de Baíña ás 18:00 horas. A orde do día inclúe un resumo do ano 2019, traballo feito e mocións presentadas; traballo de cara ás eleccións autonómicas; III Asemblea Cidadá Estatal; posta a disposición dos cargos do Círculo; e rolda de preguntas e intervencións libres. Dende o Círculo convidan a toda a veciñanza para coñecer ou trasladarlles as súas inquedanzas.
