As intensas choivas caídas na tarde deste mércores volveron a provocar inundacións en Sabarís. Segundo informou a Asociación de Veciños Castro e Ladeira, a Rúa Ponte Nova, Camiño Toxal, Camiño das Monxas e Camiño Pouquena quedaron asolagados.
Ademais en Julián Valverde e José Pereira Troncoso, Praza Victoria Cadaval, Benito Fariña e Rúa Ponte, a auga entrou en vivendas, baixos e garaxes. No edificio das antigas vivendas dos mestres, recentemente rehabilitadas para ser destinadas a vivendas sociais e listas para entregar, a auga esnaquizou o chan da situada no baixo.
Desde Castro e Ladeira reclaman solucións urxentes. «Desde xuño que falamos do tema e segue sen solución, temos o auga debaixo da cama, din moitos veciños».
