O proxecto náutico deportivo #SéAuga do Club Marítimo de Panxón pretende crear un sentimento que convide a nenos e maiores a gozar dos deportes náuticos. “Queremos ser a escola de aprender a gozar da auga, de aprender a gozar do mar, para despois aprender a gozar dos deportes náuticos no seu concepto máis global e multidisciplinar”.
O Comodoro do Club, Alberto de la Cerda, é o responsable da reestruturación na área náutica, tanto deportiva como turística e de servizos do mar, que conforman #SéAuga, que chega da man da contratación de Enrique Prendes Fernández como Director Deportivo, da “fichaxe” da futbolista Joana Montouto Escudeiro como responsable da escola de SUP (Pádel Surf), técnico de actividades deportivas e socorrista, e do regatista Jorge Cigarrán como responsable da Escola de Vela.
