A Garda Civil investiga penalmente a tres veciños de Gondomar como supostos autores do roubo dun patín eléctrico en Baiona e outros dous furtos no municipio de Gondomar.
As investigacións iniciáronse a finais do pasado mes de marzo cando unha patrulla de seguridade cidadá do Posto da Garda de Gondomar sospeita dunha manobra efectuada na parroquia de Vincios por unha persoa que circulaba cun patín eléctrico e dáse a volta ao decatarse da presenza da Garda Civil.
Momentos despois localízase novamente o patín cando o estaban introducindo no maleteiro dun coche e procédese a identificar o condutor do vehículo, unha señora que o acompañaba e o piloto do patín, todos eles veciños de Gondomar.
Poucos días despois, a estas tres persoas notificóuselles a súa condición de investigados como supostos autores dun delito de roubo ao ter coñecemento de que o patín fora subtraído cando estaba estacionado nunha céntrica rúa da localidade de Baiona.
Cando a Garda Civil acudiu ao domicilio destas persoas, onde finalmente recuperouse o patín para restituírllo ao seu propietario, atopáronse outros obxectos procedentes de varios furtos. Desta forma, puidéronse recuperar tamén dúas cadeiras de montar dacabalo co seu correspondente equipamento, que foran subtraídas o pasado mes de marzo no anexo dun domicilio en Gondomar. Tamén se recuperaron outras ferramentas, entre elas un trade e unha lixadora, que foran subtraídas o mes pasado noutro domicilio do mesmo municipio.
As dilixencias instruídas entregáronse no Xulgado de Instrución nº 5 de Vigo, onde deberán comparecer os investigados cando sexan requiridos.
