A Rondalla da Asociación de Veciños “Galiñeiro” de Vincios ofrecerá este sábado 22 de decembro un pasarrúas polas rúas de Gondomar a partir das 11:00 da mañá. Ás 12:30 desfilará pola Fraga e ás 16:00 polos barrios de Brandufe, Guisande, Serra, Salgueiro, Xián, Hervillás e Rocha. O domingo 23 de decembro ás 12:00 do mediodía celebrarase o Encontro de Rondallas no Torreiro de Santa Lucía, no que tamén participará a Rondalla do Centro Cultural Helios de Bembrive e a Rondalla do Centro Veciñal Cultural de Valladares. Finalmente, a Rondalla de Vincios participará no Certame de Rondallas de Bembrive, que comezará ás 16:30 horas.
A Rondalla de Vincios ofrecerá este fin de semana pasarrúas pola súa parroquia e por Gondomar
