O barrio de Vilas, na parroquia gondomareña de Morgadáns, celebra este fin de semana as festas na honra de Mª Auxiliadora. O sábado 26 de maio a partir das 22:00 horas a orquestra Alianza e o grupo Triunfo amenizarán a gran verbena. O domingo 27 ás 11:15 da mañá celebrarase a Misa Solemne seguida de procesión acompañada polo grupo de gaitas Balcón do Val Miñor. Pola noite, a partir das 21:30 horas, actuará a orquestra Miramar.
