Anuncios
Ticker de novas

Sergio Fernández defenderá en Bélxica as cores do Club Ciclista Rías Baixas

FOTO: CLUB CICLISTA RÍAS BAIXAS // Sergio Fernández.

Dobre cita para Sergio Fernández o próximo fin de semana en terras belgas. O corredor do Club Ciclista Rías Baixas correrá o sábado no Polderscross en Kruibeke e o domingo 15 no Superprestigio Telenet en Zonhoven. Nestas dúas probas de categoria C1 compartirá circuíto con especialistas de moito nivel como Wout van Aert e Mathieu Van der Poel. Unha experiencia única que vai gozar ao máximo levando as cores da entidade presidida por José Luis Chamorro á “catedral do Ciclocrós”.

Polderscross en Kruibeke

A quinta edición da Poldercross se levará a cabo o sábado na localidade de Basilea (Bélxica), que é un municipio de Kruibeke. Este ciclocrós é transmitido en vivo por televisión por VTM. O Poldercross tamén está dispoñible na internet a través dunha web en vivo. Este ciclocrós flamenco forma parte da serie “Brico Crossen”.

Superprestigio Telenet en Zonhoven

Trátase da segunda manga do trofeo belga Superprestige tras unha primeira carreira en Gieten que terminou con vitoria do local Mathieu Van der Poel. É unha das probas máis bonitas de toda a tempada. Sempre cun ambiente cativador que envolve aos corredores nunha atmosfera de competición e emoción difícil de tan sequera igualar. Unha carreira que leva ao límite as destrezas e habilidades dos corredores.

O circuíto destaca sen dúbida polas súas dunas. A area é o primeiro que vén á mente cando escoitamos que se aveciña o ciclocrós de Zonhoven. Un circuíto moi esixente de 3.520 m de lonxitude. A técnica e un bo fondo físico son requisitos fundamentais se se quere render ao máximo nivel neste circuíto tan especial.

Anuncios