Últimos días para inscribirse no Certame de Micro-Beléns organizado polo Concello de Baiona, a través da Concellería de Cultura, e a Asociación de Comerciantes e Empresarios de Sabarís (COEMSA). A súa finalidade é potenciar as artes plásticas e as manualidades, incentivar a creatividade, así como conservar as tradicións e fomentar as actividades en familia.
O tamaño do belén non poderá exceder de 30×60 centímetros, e todos os traballos presentados a concurso estarán expostos do 8 de decembro ao 7 de xaneiro no Multiusos Mercado de Sabarís. Establécense as seguintes categorías: micro-belén máis orixinal, micro-belén máis laborioso e micro-belén máis popular, que se elixirá por votación popular a través da web do Concello de Baiona (www.baiona.gal) e fisicamente no recinto.
Este certame compleméntase coa categoría Belén familiar en domicilio particular, o cal terá un tamaño libre, estando prevista unha visita guiada aos beléns máis destacados. A inscrición para participar realizarase na Oficina de Rexistro do Concello ou a través da Sede electrónica, ata o 7 de decembro, cubrindo o correspondente formulario xunto co DNI.
Más información na Concellería de Cultura do Concello de Baiona, no teléfono 986 385 921, ou na Asociación de Comerciantes e Empresarios de Sabarís COEMSA.
