Somos Nigrán solicita a celebración de polo menos un debate electoral público durante a próxima campaña que comeza o 12 de maio, co fin de que este encontro permita coñecer á cidadanía as propostas e proxectos de cada formación, así como o perfil dos propios candidatos e candidatas.
Lucía Chamorro, candidata á Alcaldía de Somos Nigrán opina que “as veciñas e veciños de Nigrán teñen dereito a un debate neutro, transparente e igualitario, que avogue polo exercicio ao voto de forma consciente e que favoreza a deliberación pública”.
O espazo político de confluencia remitirá un correo electrónico a todas as formacións que terán presenza nas próximas eleccións, propoñendo aos/as respectivos/as xefes/as de campaña un encontro para acordar a posible realización deste debate.
