O Concello de Nigrán, dentro da súa programación especial polo “Mes da Muller”, ofrece este domingo 12 de marzo ás 19:00 horas no Auditorio Municipal o monólogo de Arantxa Treus “Sexo débil… o carallo!”.
Arantxa Treus non ten pelos na lingua. No resto do corpo si, moitísimos. Neste divertido monólogo mostrará a súa faceta máis cómica narrando algunhas vivencias, anécdotas e miserias da súa propia vida e das alleas, deixando claro como ser muller e non morrer no intento. Só apto para homes e mulleres que desexen rir a gargalladas.
As risas estarán aseguradas grazas ao peculiar humor desta versátil artista, coñecida pola súa participación en programas de TV, series como “Serramoura”, “Fariña” ou “Gondar” e compañeira de repartición de Luís Zahera e Sergio Pazos no seu último show cómico.
