O Concello de Baiona aposta polo uso do transporte público durante a celebración da Festa da Arribada, ofrecendo un servizo de lanzadeiras gratuítas tanto a Porto do Molle como directamente a Vigo co fin de fomentar o uso deste tipo de transporte.
O Concello de Baiona habilitará un ano máis un aparcamento de 10.000 prazas totalmente gratuíto no parque empresarial de Porto do Molle (Nigrán), desde onde partirán lanzadeiras (tamén gratuítas) cada media hora. Ademais, haberá barcos que conectarán co porto de Baiona dende Vigo, Cangas, Moaña e Panxón.
O alcalde, Carlos Gómez Prado, indicou que “novamente volvemos apostar por mellorar o servizo do transporte público durante a fin de semana de celebración da festa da Arribada, ofrecendo distintas alternativas. O noso compromiso coa mobilidade sostible e o impulso do transporte público é firme”.
