O Posto Principal da Garda Civil de Baiona-Nigrán, detivo na mañá do día 15 de febreiro de 2023 a unha persoa como suposto autor dos delitos de estafa, usurpación de estado civil, branqueo de capitais e falsificación de documento público. O luns 27 de febreiro foron investigadas outras dúas persoas por delitos de estafa e branqueo de capitais. A investigación iniciouse tras a denuncia presentada o día 4 de outubro de 2022 pola vítima da estafa, na que manifestou ser enganada pola que nese momento era o seu compañeiro sentimental.
Para levar a cabo a estafa, a súa parella, que decidiu romper a relación pouco despois dos feitos, realizou a contratación de varios préstamos bancarios en conivencia con outras dúas persoas afincadas en Vigo, a nome da denunciante, por un importe aproximado de 60.000 euros, cantidade que posteriormente foi repartida entre os autores do feito. Adicionalmente, con tarxetas bancarias solicitadas a nome do denunciante pero que eran enviadas aos autores ao constar a dirección destes nos datos facilitados ás entidades bancarias onde foran contratadas as contas bancarias e os préstamos, realizáronse compras en varios comercios por importes próximos a 2.000 euros.
A investigación viuse dificultada por interpoñer os autores a terceiras persoas a cuxo nome atopábanse rexistradas as contas bancarias onde se derivaba o diñeiro conseguido cos préstamos, púidose identificar totalmente os autores e establecer a participación da que entón era a súa parella. No momento da detención do autor, un home de 47 anos natural de Uruguai e con domicilio no Rosal foi intervido un vehículo de alta gama, xa que o mesmo foi adquirido con parte do diñeiro estafado.
Tanto o detido como as investigadas, dúas mulleres de 65 e 22 anos, con domicilio en Nigrán e Vigo, contan con numerosos antecedentes por delitos contra o patrimonio, e outro home, que non puido ser detido ata o momento por atoparse en paradoiro descoñecido, ten varias ordes de diferentes xulgados de toda a xeografía nacional de detención e ingreso en prisión. O detido, xunto coas dilixencias instruídas, foi entregado no Xulgado de Instrución de Garda de Vigo, que decretou a súa posta en liberdade con cargos.
