Campionato de Galicia Sub-20 de pista cuberta celebrado en Expourense este pasado sábado día 18 de febreiro e novo éxito do club de atletismo Sociedade Atlética Val Miñor. Por unha banda, dobre vitoria da nova atleta Ainhoa Repáraz, que se facía coa vitoria tanto nos 60 metros lisos cun tempo de 7.73 como nos 200 metros lisos cun tempo de 24.98.
Do mesmo xeito, destacar a actuación de Nadia Lia, participante nos 1.500 metros lisos e que obtivo a medalla de bronce cun tempo de 5:04.86. En dita cita tamén participou a atleta Sofía, quen tomou parte dos 400 metros lisos, finalizando nun 7º posto e cun tempo de 1:07.62.
Próximas citas para os atletas da Sociedade Atlética Val Miñor, serán o Campionato de Galicia de Campo a través para menores na Pobra do Caramiñal e o Campionato de España Sub-20 de pista cuberta que se celebrará na localidade catalá de Sabadell.
