Este xoves inaugurouse o novo espazo comercial Nasas Nigrán nun evento ao que acudiron preto de 500 invitados. O novo espazo “é xa -segundo asegura a empresa promotora LR21- un novo lugar de referencia no que toda Galicia fíxase para realizar as súas compras ou como zona de lecer e esparexemento”. Á inauguración asistiron o presidente da Xunta de Galicia, Alfonso Rueda, así como o alcalde do municipio, Juan González, o delegado de Zona Franca, David Regades, e outras autoridades locais e invitados do sector empresarial.
Durante a súa intervención, Alfonso Rueda agradeceu que LR21 “aposte por Galicia”. “Gústanos que as empresas invistan en Galicia e que consigan que distintas administracións póñanse de acordo para poñer en marcha proxectos importantes como Nasas Nigrán”. Ademais, o titular da Xunta recalcou “a importancia de conseguir que conviva o comercio local coas grandes marcas”. Pola súa banda, o alcalde de Nigrán, Juan González, deu as grazas a LR21 por “escoller Nigrán para situar un proxecto deste gran calibre”. “Proxectos como este son os que moven o mundo”, finalizou.
O Delegado da Zona Franca, David Regades sinalou que “hoxe é un día de gran emoción. Foi un enorme pracer ver como se foi desenvolvendo este gran proxecto, a pesar das adversidades. Un proxecto sostible e familiar que nos fai grandes”. O Director Xeral de LR21, José Antonio García Agüera, durante a súa intervención, explicou o desenvolvemento do proxecto desde a súa xestación e agradeceu a todas as institucións, empresas e traballadores que apostasen por Nasas Nigrán. Ademais, tivo unhas emotivas palabras para o presidente do Grupo Inmobiliario, José Luis López Fernández, “sen que o que nada disto sería posible”.
Despois das intervencións, os asistentes percorreron as instalacións do novo centro comercial, gozaron do espectáculo “Music Christmas Drons Ligth Show”, no que 120 drons realizaron distintas figuras no ceo, e tamén da actuación do artista Anxo Lorenzo. Ao evento de inauguración acudiron preto de 500 invitados do mundo da política, empresa e tamén celebrities como Bertín Osborne, Fabiola Martínez, Fran Rivera, Luis Figo ou Albert Rivera.
31 tendas e gran actividade comercial e lúdica
Nasas Nigrán abre as súas portas con 31 tendas, entre elas Leroy Merlín, Eroski, McDonald’s, Tiendanimal, Sprinter, Jysk, Decathlon, KFC, Max Colchón ou Kiabi. Hai que destacar que 9 delas son negocios locais que apostaron por emprazarse neste espazo comercial para potenciar a súa visibilidade. Nasas Nigrán abre con 500 traballadores e espera 5 millóns de visitas en 2023.
