Gondomar celebra o Samaín con múltiples actividades para todas as idades. A programación comezará o domingo 30 de outubro no antigo Matadoiro Municipal, hoxe convertido nun espazo cultural. Alí terá lugar a presentación do libro infantil “Samagostín” acompañado dun contacontos.
O luns 31 de outubro e o martes 1 de novembro na rúa Levada do Beco poderemos desfrutar dun Mercado Especial de Samaín. Haberá postos de artesanía, food trucks, actividades infantís e máis sorpresas.
