Unha trintena de nenos e nenas participaron no XIX Concurso de Pesca Infantil de Baiona

Este venres celebrouse a XIX edición do Concurso de Pesca Infantil “Vila de Baiona” Gran Premio Obra Social “laCaixa”, organizado pola Concellería de Deportes e Actividades Marítimas. Desenvolveuse no porto pesqueiro coa participación dunha trintena de nenos e nenas repartidos nas categorías Sub 8, Sub 12 e Sub 16, concentrando ademais a gran cantidade de curiosos nunha tarde solleira e propicia para o desenvolvemento do concurso.

Durante o transcurso do evento, os participantes estiveron arroupados por José Castro, Monitor Deportivo de Pesca e Xuíz Nacional de Pesca Deportiva, Laura Castro, Monitora de Lecer e Tempo Libre, Miriam Costas, concelleira de Deportes, e Carlos Gómez, alcalde de Baiona, que pecharon o concurso coa entrega de premios. Entregáronse trofeos para os tres primeiros clasificados de cada categoría, e trofeo á peza de maior peso e ao maior número de pezas, ademais de agasallos para todos.

CATEGORÍA SUB 8:

1. ZOE DAROCHA BELTRÁN – 346 puntos.
2. SOFÍA CORES DEZA – 100 puntos.

CATEGORÍA SUB 12:

1. FABIÁN MARTÍNEZ COSTAS – 6.631 puntos.
2. ALEJANDRO SOMOZA RAMOS – 1.491 puntos.
3. ENZO GÓMEZ SILVA – 1.482 puntos.

CATEGORÍA SUB 16:

1. MARIO GONZÁLEZ RODRÍGUEZ – 525 puntos.
2. JORGE BREA LOBATO – 218 puntos.

PEZA MAIOR DO TORNEO:

• 1º – FABIÁN MARTÍNEZ COSTAS – 1.622 puntos.

MAIOR NÚMERO DE PEZAS:

• 1º – ENZO GÓMEZ SILVA – 11 pezas.

El pase de diapositivas requiere JavaScript.