A Garda Civil recupera un cadro coa imaxe dunha virxe subtraído nun domicilio na Lama

A Garda Civil fixo entrega hoxe á súa propietaria dun cadro coa imaxe da Virxe de Guadalupe que fora subtraída fai cinco anos nun domicilio no municipio da Lama.

Os feitos sucederon no ano 2017, que foi cando o Posto da Garda Civil de Ponte Caldelas tivo noticia dun roubo que se cometeu nunha vivenda situada na parroquia de Antas do municipio da Lama, cuxos propietarios residían en México. Entre os obxectos máis valiosos que subtraeran do interior do inmoble figuraba un cadro coa imaxe en relevo da Virxe de Guadalupe, esculpida en prata sobre veludo.

Apenas un ano máis tarde, en maio de 2018, as investigacións realizadas por efectivos do Posto da Garda Civil de Ponte Caldelas co apoio do Equipo Básico de Inspeccións Oculares (EBIO) da Compañía de Pontevedra, púidose chegar á identificación da presunta autora do roubo. Tratábase dunha muller de 48 anos, veciña de Pontevedra, en cuxo poder recuperouse o cadro que fora subtraído.

Unha vez ditada sentenza condenatoria, o Xulgado do Penal número de tres de Pontevedra acordou a devolución do cadro á súa lexítima propietaria, cuxa entrega se demorou ata o día de hoxe por atoparse ausente en México. A restitución fíxose durante a mañá de hoxe nas dependencias da Comandancia da Garda Civil de Pontevedra.