A Garda Civil detivo a dous veciños de Biscaia, de 32 e 33 anos, acusados dun presunto delito contra a saúde pública ao ser sorprendidos con estupefacientes nun control de estrada.
Os feitos sucederon a última hora da tarde do pasado mércores no transcurso dun punto de verificación de vehículos establecido por efectivos da patrulla de seguridade cidadá da Compañía da Garda Civil de Vilagarcía de Arousa na peaxe da AP-9, en Saiar (Caldas de Reis).
A actitude sospeitosa dos dous ocupantes dun dos vehículos interceptados no dispositivo propiciou que os integrantes do control realizasen unha minuciosa inspección do turismo. No rexistro do vehículo, os efectivos da patrulla incautáronse de 100 gramos de cocaína que levaban camuflada dentro dun bote de cosméticos, escondido nunha mochila que transportaban no interior do maleteiro.
Tanto o condutor como o seu acompañante foron detidos como presuntos autores dun delito contra a saúde pública, por tráfico de estupefacientes e postos en liberdade en sede policial ao dispor do Xulgado de Instrución de garda de Caldas, para que comparezan cando sexan requiridos para iso.
