Baiona consolídase como destino de calidade superando a corentena de servizos e empresas do sector turístico recoñecidas co distintivo Sicted, un proxecto promovido pola Secretaría de Estado de Turismo co apoio da Federación Española de Municipios e Provincias (FEMP). Esta iniciativa ten como obxectivo incrementar a experiencia e satisfacción dos turistas e visitantes, ademais de axudar ás empresas e servizos a perfeccionar os seus procesos de forma continua. Este ano no municipio incorpórase 1 firma ao Sicted que se suma ás 34 xa distinguidas con anterioridade. Na actualidade, Baiona conta con 41 empresas e servizos adheridos, dos cales 35 presentáronse ao pasado Comité de Distinción de decembro.
O salón de plenos acolleu esta mañá a entrega dos distintivos á empresa que o recibe por primeira vez, Fisoterapia Val Miñor, e ao resto de establecementos que renovan o seu compromiso coa calidade: Parador de Turismo Conde de Gondomar, Hotel Anunciada, Estación de Servizo Monte Real, Óptica Baiona, Ababides Apartamentos, Benestar Baiona Clínica Fisioterapia, Pub Bibendum, Casa do Marqués, Estelas Comercio, Luna alugueiro de embarcacións, Hotel Arce, Hotel Rompeolas, Xamonería Jaqueyvi, Xoiería Tula, La Pedalería, Le Sept, Mesón Xamonería Fidalgo, Miradoiro Ría de Baiona, Salón de peiteado Belmar, Recuncho Mariñeiro, Mesón Fonte de Zeta, Restaurante Pedro Madruga, Viaxes Val Miñor, Monte Real Club de Yates e HR Tres Carabelas.
Tamén recibiron o recoñecemento varios servizos municipais como a propia Oficina de Turismo do Concello de Baiona, a Policía Local e as 6 praias do municipio.
Durante o acto, o alcalde e tamén concelleiro de Turismo, Carlos Gómez Prado, tivo palabras de agradecemento cara aos establecementos turísticos do municipio e encomiou “o seu traballo, profesionalidade e compromiso, que contribúe a facer de Baiona un destino turístico mellor e máis competitivo”. Así mesmo, manifestou que “continuaremos apostando pola calidade, porque consideramos que é a base para un desenvolvemento sostible e para lograr un crecemento adecuado e equilibrado”. Tamén destacou “a importancia de ter unha conciencia integral de destino, porque temos obxectivos comúns e porque todos estamos implicados no desenvolvemento turístico”. O Alcalde quixo recoñecer o mérito e a valía do traballo realizado polos establecementos distinguidos que “repercute nas vosas empresas e tamén no conxunto do noso destino”.
Ademais felicitou a todos os galardoados e agradeceu a súa implicación no proxecto, porque “sen vós isto non sería posible”. Tamén deu as grazas ás empresas turísticas “por apostar pola calidade, porque formades parte da cadea de valor e co voso traballo facedes de Baiona un destino de calidade”.
