Unha patrulla da Garda Civil do Destacamento de Tráfico do Porriño, atopouse en plena estrada, durante a madrugada do pasado venres, sobre as 01:30 horas, á altura de Donas – San Cibrán, termo municipal de Gondomar, un vehículo parado no centro da vía, ao que se achegaron para comprobar a razón de estar detido.
No interior do vehículo observouse que o seu condutor atopábase durmido, recostado sobre o volante, polo que lle espertaron e procederon á súa identificación.
Resultou ser un veciño de Gondomar, de 43 anos, ao que se lle requiriu para realizar a proba de alcol, resultando esta positiva, cun resultado de 0,90 mg/ l en aire expirado, é dicir que excedía case catro veces a taxa máxima permitida.
Así mesmo comprobouse que o seu permiso de conducir está retirado por sentenza xudicial firme ata xullo de 2022, polo que se procedeu á súa investigación por dous delitos contra a seguridade viaria, ao conducir co permiso retirado por sentenza xudicial, así como por alcoholemia positiva, sendo remitidas as dilixencias instruídas ao Xulgado de Garda de Vigo.
