Nigrán levará a maxia de “Valeria Varitas” a todas as parroquias xunto ao Paxe Real

O Concello de Nigrán ofrece desde este luns 20 e ata o día 29 de decembro unha xira da maga “Valeria Varitas” por todas as parroquias do municipio acompañada do Paxe Real coa súa caixa de correo, mantendo así a filosofía do ano anterior de desprazar as actividades para evitar aglomeracións. Así, o primeiro día será na AAVV de Chandebrito co paxe desde as 17:00 horas e actuación acompañada do Rey Midas ás 19:00 horas. Os horarios manteranse igual na xira do martes 21 no C.C. A Camoesa, mércores 22 no CCR Parada do Miñor, xoves 23 no CC O Torreiro de Priegue, luns 27 na AAVV A Unión de San Pedro e martes 28 na AVV Monteferro. O fin da xira será o mércores 29 no Auditorio Municipal coa caixa de correos desde as 18:00 horas e a actuación da maga Valeria Varitas xunto ao Rey Midas ás 20:00 horas.

Finalmente, ante a alta incidencia de Covid-19 en toda a comarca de Vigo, o Concello pospón todos os obradoiros de cociña previstos nas novas instalacións do CEIP Humberto Juanes ata vindeiras datas. Si mantén os obradoiros de Lettering (27 e 29 de decembro ás 17:00 horas) e de Papiroflexia (28 de decembro ás 17:00 horas) no Auditorio Municipal pero cunha redución drástica do aforo, polo que será preciso inscrición previa nun formulario web do Concello a partir deste luns ás 9:30 horas.