Manuel Mo do club Estivada de Baiona, terceiro no Campionato de España de bolo celta

FOTO: FEDERACIÓN GALEGA DE BOLOS // Manuel Mo.

Esta fin de semana celebráronse en Madrid e Tineo (Asturias) os Campionatos de España individuais de primeira e segunda categoría de bolo celta, así como o de seleccións autonómicas.

En Madrid o individual de primeira cos seguintes resultados:

  • Campión de España: Manuel González “Lu” de bolos L’Acabose de Tineo-Asturias.
  • Subcampión: David García de bolos La Panera de Cangas del Narcea-Asturias.
  • Terceiro clasificado: Manuel Mo de bolos Estivada de Baiona.
  • Cuarto clasificado: José M. Torres de bolos San Cibrán de Gondomar.

Tamén o de seleccións autonómicas coa seguinte clasificación:

  • Campioa: Selección de Asturias.
  • Subcampioa: Selección de Galicia.
  • Terceiros: Selección de Madrid.

En Tineo-Asturias o campionato individual de segunda categoría coa seguinte clasificación:

  • Campión de España: David Velasco de Los Serenos de Tineo.
  • Subcampión: David Fernández de Navelgas-Tineo.
  • Terceiro: Javier Alonso de Xove-Lugo.
  • Cuarto: José R. Fernández “Jota” de bolos Compastur de Tineo.

A próxima fin de semana celébrase en Camos-Nigrán o Campionato de España de parellas mixtas que poñerá punto e final aos Campionatos de España de bolo celta para o 2021.