O Partido Popular de Nigrán quere deixar claro que en ningún momento manifestouse en contra da mellora do tramo urbano da PO-552 ao seu paso por Ramallosa. “O que fixo o BNG, pola súa conta e risco e sen contar nin con veciños nin comerciantes, expor unha solución que probablemente non sexa do agrado de ninguén, sen ter en conta que a PO-552 non é simplemente unha rúa, senón que é un vial que intercomunica os concellos da zona. Este tipo de actuacións teñen sentido en zonas e rúas que non sexan de paso “forzado”, pero neste caso require un estudo adecuado e un consenso con veciños e comerciantes da zona, algo que o BNG ignora por completo”.
Doutra banda, queren poñer de manifesto que ben exposta sería unha boa opción. “Entendemos que non é tan urxente como para desviar fondos da Pandemia a isto, como expón o BNG, agora a prioridade absoluta da Xunta é combater a pandemia e o BNG anda enredando expondo investimentos que nin sequera acorda cos afectados”.
“Mentres tanto PSOE e BNG na Deputación de Pontevedra votaron en contra de levar adiante a mellora dos viais EP-2106 (Tarela-Camos-Chanderito) e EP-2102 (Areiña- Mallón), que manteñen o mesmo trazado e ancho desde os anos 60 (hai máis de 60 anos) e que xa vai sendo hora que se melloren de verdade e permitan tráfico seguro, iso si que é unha obra necesaria e urxente demandada por todos os veciños desas zonas desde hai moitos anos. Esta é a vara de medir do BNG en Nigrán, para actuacións que son un clamor, votan en contra, e enredan con investimentos que nin son consensuados nin son tan urxentes”, conclúen os populares.
