O mercado volverá a Sabarís o luns 22 de febreiro de confirmarse a baixa incidencia do Covid

FOTO: PABLO F. ESTÉVEZ // Mercado de Sabarís.

A Concellería de Comercio e Mercado do Concello de Baiona informa de que de confirmase a boa tendencia á baixa, en canto á incidencia de Covid-19 no municipio, o vindeiro luns 22 de febreiro retomarase o mercado semanal dos luns de Sabarís. Volverase á actividade coa redución do número de postos, producíndose así a rotación entre feirantes cada luns. O día 22 será a quenda dos postos con número impar. Poderán acudir ao mercado todos os luns, independentemente do seu número, os postos de venda de produtos agroalimentarios como se recolle na normativa.

O edil que dirixe a área de Comercio e Mercado, Víctor Muñoz, quixo subliñar que “desde o principio defendemos o mercado semanal como unha actividade tradicional e revitalizadora da economía local e desexamos darlle un novo impulso en canto o contexto permítao” e lamenta “ter que adoptar unha decisión tan drástica, a suspensión de toda a actividade desde o luns 21 de decembro, nun momento tan duro para os comerciantes pero era momento de priorizar o benestar tanto da cidadanía como dos propios comerciantes”.

O Alcalde, Carlos Gómez Prado, destaca que de confirmase a tendencia á baixa “os bos datos serán un alento e un respaldo para que persistamos e sexamos conscientes de que o esforzo de todos e todas os baioneses e baionesas dá o seu resultado e coa colaboración de todos e todas venceremos ao Covid”.