A Consellería de Sanidade vén de informar que outros 20 usuarios da Residencia Vila do Conde de Gondomar que deran positivo por coronavirus retíranse do cómputo tras obter un resultado negativo nun novo cribado. Con estes datos, a día de hoxe quedan 31 maiores e 5 traballadores contaxiados no centro situado na parroquia de Vilaza. Así mesmo, nove usuarias e usuarios faleceron nos últimos días, dúas mulleres no Hospital Álvaro Cunqueiro de Vigo e un home e outras cinco usuarias na propia residencia. Todos eles tiñan patoloxías previas. Os datos actualizados este venres arroxan un total de 147 maiores usuarios de residencias e 133 traballadores contaxiados en Galicia. No que respecta aos centros para persoas con discapacidade, hai 6 casos positivos entre os usuarios e 7 entre os traballadores.
O brote da Residencia Vila do Conde redúcese ata os 36 positivos
