Rosa Álvarez Álvarez, máis coñecida como Rosita Cristaleiro, foi nomeada presidenta do Gondomar Club de Fútbol na asemblea celebrada este domingo, converténdose na primeira muller que ocupará o cargo. A súa chegada prodúcese nun momento difícil da entidade. “Acepto o cargo con responsabilidade e coa tarefa de crear un equipo de traballo composto de equilibrio e visión de futuro”, declarou a nova presidenta tras o seu nomeamento. Tamén quixo agradecer a todo o equipo técnico e xogadores toda a súa implicación nesta tempada.
Rosita Cristaleiro convértese na primeira presidenta do Gondomar CF
