A partir deste luns, día 1 de xuño, a Oficina de Información Xuvenil (OMIX) do Concello de Gondomar recupera a atención presencial nas súas instalacións. A actividade retómase no horario habitual de 8:00 a 14:00 horas, atendéndose as consultas preferentemente por teléfono (986 369 946), a través do correo omix@concellodegondomar.gal, ou a través de Instagram Direct.
Os trámites que precisen ser atendidos de forma presencial faranse na oficina, situada na Casa da Cultura, con cita previa e adoptando todas as medidas de seguridade que marcan as autoridades sanitarias: uso de máscara, lavar as mans co xel de hidroalcohol que estará na entrada e manter a distancia de seguridade interpersoal.
