Gondomar abre prazo para solicitar as axudas municipais para material escolar

O Concello de Gondomar abre o prazo para solicitar as axudas municipais para material escolar, destinadas a familias en situación de emerxencia social cuxos fillos e fillas estean no ciclo de educación infantil.

O próximo luns, 1 de xuño, abrirase o prazo para presentar as solicitudes para optar a estas axudas para adquisición de material escolar de educación infantil do vindeiro curso 2020-21, ás que poderán optar familias que se atopen en situación de emerxencia social. O prazo para a presentación das solicitudes finalizará o día 30 de xuño.

As axudas estarán destinadas aos alumnos e alumnas matriculados nos centros escolares de Gondomar e nos pertencentes ao Colexio Rural Agrupado (CRA). Os interesados deberán solicitar cita previa para a súa tramitación, chamando ao teléfono do Departamento de Benestar Social (986 360 168) onde tamén poderán solicitar toda a información necesaria.

Anuncios