Desde a Asociación de Empresarios e Comerciantes do Val Miñor (OVALMI) informan que, debido á situación tan delicada que se está vivindo, debido ao brote incontrolado do coronavirus, tomouse a decisión de aprazar ata novo aviso a Feira de Oportunidades “Portobelo”, programada para o domingo, día 15 de marzo, na Praza da Paradela en Gondomar. OVALMI quere agradecer ao Concello de Gondomar, Concello de Nigrán, escolas de danza Paradela e Ldanzia e sobre todo aos comerciantes participantes a súa comprensión e colaboración en todo momento.
