Unha explosión de gas deixa danos materiais nunha vivenda en Nigrán

FOTO: CRTVG

Unha explosión de gas provocou danos na estrutura dunha casa en Nigrán, sen que ningunha persoa resultase ferida. Sucedeu na rúa de Tomás Mirambell, uns minutos antes das 20:45 horas da pasada tarde.

Foi unha persoa particular quen deu a voz de alarma ao 112 Galicia e, decontado, os xestores do CIAE 112 Galicia pasaron o aviso aos Bombeiros do Baixo Miño, ao GES do Val Miñor, á Policía Local e a empresa subministradora do gas.

Unha vez na vivenda, os servizos de emerxencia comprobaron as zonas afectadas e levaron a cabo as tarefas de ventilación correspondentes.

Anuncios