O mediocentro de 23 anos Brais Pazos Quintas, convértese na sexta renovación do equipo de Víctor Santos. Formado no Val Miñor, fixo a súa traxectoria sempre no Gondomar CF, e o ano pasado xa estivo no club, onde se converteu nun dos xogadores máis regulares do curso.
Agora, co obxectivo de volver a primeira, destacou que “animeime a seguir porque é o equipo do meu pobo e é o escudo que sempre quixen defender. Este ano márcome como obxectivo o dar o mellor de min e ascender. Á afección, dicirlles que imos traballar para devolver o Club onde debe estar e que coa súa axuda, seguro que será o noso ano”.
