O sorteo do cupón diario repartiu 245.000 euros entre sete veciños de Baiona

Algúns veciños da localidade de Baiona comezaron a “ponte” de Semana Santa cunha alegría engadida, ao resultar premiados os seus cupóns no sorteo do mércores 17 de abril. O sorteo do cupón diario da ONCE deixou na localidade 7 cupóns premiados ás cinco cifras con 35.000 euros cada un, repartindo en total 245.000 euros en premios.

O vendedor de produtos de xogo da ONCE Alberto González Rivero foi quen vendeu os cupóns que resultaron premiados, no seu posto de venda habitual situado no Paseo Elduayen da localidade pontevedresa. Alberto manifestou que os cupóns están repartidos entre parte da súa clientela habitual.

Natural e veciño de Oia, Alberto González ten unha discapacidade física, leva menos de dous anos vendendo produtos de xogo da ONCE en Baiona e móstrase encantado coa sorte que deu aos seus clientes.

O Cupón Diario da ONCE ofrece, por 1,5 euros, 55 premios de 35.000 euros ás cinco cifras. Ademais, o cliente ten a oportunidade, por 0,5 euros máis, de xogar tamén á serie, e gañar “A Paga” de 3.000 euros ao mes durante 25 anos, que se engadirá ao premio de 35.000 euros. Terán premio de 500 euros os números anterior e posterior ao agraciado; e premio de 200, 20, e 6 euros ás catro, tres e dúas últimas cifras, respectivamente, do cupón premiado. Así como reintegros de 1,5 euros á última e primeira cifra.

Os cupóns da ONCE comercialízanse polos 20.000 axentes vendedores da ONCE. Como sempre, grazas ao Terminal Punto de Venda (TPV), o cliente pode elixir o número que máis lle guste. Ademais, pódense adquirir desde a páxina web oficial de Xogos ONCE e establecementos colaboradores autorizados.

Anuncios