O domingo 16 de decembro continúa a programación organizada pola Concellería de Cultura de Gondomar coa celebración do Concerto de Corais, que comezará ás 19:00 horas no Auditorio Lois Tobío. As catro corais de Gondomar interpretarán un repertorio de música do Nadal, mergullándonos definitivamente no ambiente que celebramos nestas datas.
Participará a Coral Polifónica A Merced de Chaín, a Coral Polifónica Agrupación Musical de Vincios, a Coral Polifónica Santa Eulalia de Donas e o Coro San Vicente de Mañufe, recuperado recentemente. Gondomar conta cunha tradición moi arraigada de músicas polifónicas, chegando a ter ata dez corais diferentes convivindo en todo o territorio.
Xa que a entrada é gratuíta e non haberá reserva de asentos, desde a organización recomendan chegar cun pouco de tempo para adecuar os tempos de inicio do concerto e combinalo con manter aberto o acceso ao público que desexe visitar o nacemento artesán que está situado no corredor lateral e que apagará os mecanismos sonoros durante a actuación.
