Un grupo de usuarios e usuarias do Centro Juan María, acompañados de tres monitores, realizan estes días a súa primeira viaxe a Europa a fin de coñecer unha capital europea. Foi este mércores día 3 cando puxeron rumbo a Londres para gozar de cinco días de actividades turísticas, lúdicas ou culturais na cidade. Os mozos e mozas encargáronse da xestión e organización dunha viaxe de baixo custo co apoio do equipo de lecer. Eles buscáronse o destino, os lugares para visitar, posibilidades de transporte, métodos de financiamento, aloxamento, etc. Os protagonistas deste proxecto atopan por primeira vez acceso ao turismo internacional mentres descobren a súa capacidade de organización e xestión da visita. Unha experiencia pioneira moi positiva que dá resposta aos seus intereses, fomenta a súa autonomía, capacidade de decisión, manifestación de gustos ou preferencias e a realización de actividades normalizadas fomentando así a súa inclusión na sociedade.
Artículos relacionados
Concerto de música clásica en Baiona
O Baiverán 2018 ofrece este martes 7 de agosto un concerto de música clásica a cargo do Dúo Rivera, que comezará ás 23:00 horas na Praza do Concello de Baiona. Trátase dun dúo de violín […]
A Cabalgata de Reis de Baiona repartirá 2.000 quilos de caramelos
O domingo 5 de xaneiro está previsto que as súas Maxestades os Reis Magos de Oriente visiten Baiona subidos nas súas maxestosas carrozas e desfilando na gran Cabalgata de Reis que organiza o Concello de […]
Semana de doazón de sangue no Val Miñor
Unidades móbiles do Centro de Transfusión de Galicia visitarán esta semana os tres concellos da comarca. O luns 21 unha unidade estará en Gondomar, na estación de autobuses de 10:00 a 14:00 e de 16:00 […]