57 dupletas mixtas participan este fin de semana en Nigrán no VI Open Campionato Galego de Petanca. A competición desenvolverase durante o sábado e domingo en Praia América, comezando ás 10:00 pola mañá e ás 16:00 horas pola tarde. O domingo ás 19:00 horas está prevista a entrega de trofeos na Praza da Carrasca, en Parada. As dupletas participantes están formadas por un deportista de categoría masculina (Primeira, Segunda, Sub-23 ou Xuvenil) e unha deportista de categoría feminina (Feminina, Sub-23 ou Xuvenil).
