Anuncios
Ticker de novas

Os usuarios da piscina emprenderán accións legais se non se atenden as súas demandas

Un centenar de usuarios concentráronse este xoves ante as instalacións da Piscina Mancomunada do Val Miñor. Reclamaron a devolución íntegra da cota de setembro, incluídas recargas, que se poña ao día o mantemento da instalación (alicatados, pintura, portas, substitución de bancos, ventilación, etc.), que se repoñan as actividades suspendidas e reincorpórense os monitores e a suspensión da concesión a Serviocio para que entre outra empresa. Anunciaron ademais que se non se atenden estas demandas para a data da próxima concentración en Baiona, que confirmarán en canto teñan autorización, a Plataforma ten previsto iniciar medidas legais contra o Grupo Serviocio-BeOne e contra a Mancomunidade.

“Todos sabemos que isto non é de agora. Tanto usuarios como traballadores levamos moito tempo denunciando o desmantelamento da Piscina Mancomunada para beneficiar a Be One Monterreal. É de sabios rectificar, señores alcaldes, aínda están a tempo de poñer solución a este conflito, o que ata agora non fixeron. Será máis importante o benestar dos veciños do Val Miñor e dunhas instalacións públicas que todos debemos coidar, ou pola contra favorecer a unha simple empresa? Dicídesnos que non é fácil botar fóra a Serviocio, pero sabemos tan ben como vós que tedes as ferramentas e documentación para quitarlles a concesión. Nós tamén as temos xunto coas do comité de empresa e non dubidaremos en emprender accións legais. Nas vosas mans está terminar canto antes con esta situación”, sinalaron.

Anuncios