A Antena Cameral de Gondomar organiza un curso de manipulador de alimentos para o vindeiro mércores 8 de agosto, dirixido a todas aquelas persoas que, pola súa actividade laboral, teñen contacto directo cos alimentos durante a súa preparación, fabricación, transformación, elaboración, envasado, almacenamento, transporte, distribución, venda e subministración.
O curso celebrarase no Centro de Desenvolvemento Local de Gondomar en horario de 10:00 a 13:00 horas, cun custo de 18 euros para as empresas colaboradoras (25 euros prezo xeral). Para solicitar información ou inscribirse, contactar coa Oficina da Cámara de Comercio en Gondomar en Gondomar (CDL), no teléfono 986 369 900 ou a través do correo electrónico antenagondomar@camaravigopvv.es.
