A Concellería de Vías e Obras e Iluminación de Gondomar, que dirixe Jose Manuel Chamorro, vén de cambiar máis de 200 puntos da iluminación pública no centro urbano e no barrio da Fraga na parroquia de Vincios do tradicional sistema de lámpada a tecnoloxía LED.
Con esta iniciativa, non só se pretende evitar o desorbitado gasto de consumo eléctrico, senón evitar o uso contaminante do mercurio, tungsteno, e reducir as emisións de CO2 nun 80%, así como diminuír o consumo ata un 85% menos que coas lámpadas tradicionais.
