A partir do xoves 26 de abril ás 8:00 horas péchase o tráfico rodado na Rúa Emigrante da vila de Gondomar debido ás obras de mellora para o tráfico pesado. Por tal motivo, desde a Xefatura da Policía Local establécese un plan de tráfico que define a circulación alternativa a dita rúa pola Rúa Pereiras, de tal xeito que pasarase a habilitar provisionalmente dobre sentido de circulación.
Para iso, prohibirase o estacionamento no tramo inferior da Rúa Pereiras de acceso á Avda. do Conde e no tramo superior de saída cara a Chaín. Nos tramos intermedios o estacionamento en batería pasará a ser obrigatoriamente en liña.
As empresas de transporte escolar e de liñas interurbanas de transporte foron informadas persoalmente desde Xefatura. Solicitáselle á veciñanza a súa comprensión, e ás persoas prexudicadas prégaselles que desculpen as molestias e aos usuarios destas vías que extremen a súa atención.
O tráfico pola Rúa Emigrante está programado abrirse á circulación o luns 30 de abril, a partir das 07:00 horas.
