Nigrán conta por primeira vez cun calendario fiscal do contribuínte a proposta de UCN

O portavoz do partido independente Unión Centrista de Nigrán (UCN), Antonio Fernández  Comesaña, felicítase que por primeira vez o Concello de Nigrán conte cun “Calendario Fiscal do Contribuínte” para o presente exercicio de 2018, que a proposta de UCN aprobouse por unanimidade no pleno do pasado mes de outubro, publicándose no Boletín Oficial de Provincia (BOP) número 248, de data 29/12/2017, dando resposta así á necesidade que ten o contribuínte de ser informado no exercicio do cumprimento das súas obrigacións fiscais, tal e como recolle a Lei Xeral Tributaria 58/2003, do 17 de decembro, no seu artigo 34.1.a.

UCN lembra que “a pesar de tratarse dunha obrigación que ten a Administración de informar os contribuíntes e coa debida antelación das datas de pago establecidas para cumprir coas súas obrigacións fiscais no pago das Taxas e Impostos municipais, así como homoxenizar os prazos e períodos de pago, non se estaba cumprindo -talvez por unha preguiza política e administrativa desde todo punto de vista intolerable-, e que poñerá fin á anarquía producida nos últimos anos na xestión recadatoria municipal, aplicando cada ano períodos de cobro distintos que xeraba un caos e desconcerto entre os cidadáns, especialmente aqueles que non teñen domiciliado o pago dos seus impostos, e que na maioría dos casos non reciben o aviso de pago en período voluntario, pero curiosamente se lles chega despois coa correspondente recarga de présa”.

“CALENDARIO FISCAL DO CONTRIBUÍNTE 2018”

Fernández Comesaña advirte que tamén se poñerá coto ao cobro ilegal dos recibos de auga e rede de sumidoiros, efectuados pola concesionaria do servizo Aqualia, que viña cargando no banco automaticamente e incumprindo o prazo establecido de dous meses para o pago dos recibos en período voluntario, fixado no Regulamento Xeral de Recadación, “incomprensiblemente contando coa complicidade do propio Concello”, conclúe en portavoz independente.