65 nenos e nenas participaron no VIII Campus de Semana Santa de Gondomar

Un total de 65 nenos e nenas de 6 a 12 anos participaron os días 26, 27 e 28 de marzo no VIII Campus de Semana Santa organizado pola Concellería de Deportes de Gondomar, no que puideron gozar de tres días de actividades nos que os pequenos contaron con monitores e material á súa disposición para aprender, xogar e sobre todo divertirse.

Durante as tres xornadas practicaron distintos deportes, como tenis, fútbol sala, baloncesto, atletismo, voleibol e brilé. Tamén saíron de excursión ao Museo do Mar e á Praia de Samil, en Vigo. Finalmente, o alcalde de Gondomar, Paco Ferreira, e a concelleira de Deportes, Nuria Lameiro, obsequiaron aos pequenos cun ovo de pascua.