Este domingo 18 de marzo, a partir das 17:30 horas no Adro de Peitieiros, o Centro Cultural e Veciñal, en colaboración coa Concellería de Cultura e coa Comisión de Festas, organiza o IV Serán Homenaxe ás Pandereteiras.
O motivo que levou ao CCV de Peitieiros a organizar este serán foi o de conmemorar o Día Internacional das Mulleres (que se celebra o 8 de marzo), cunha actividade festiva. Por iso este serán é de homenaxe ás pandereteiras, simbolizando nelas a importancia do papel da muller na transmisión da nosa música en particular e da nosa cultura en xeral, visibilizándoas e dándolles o protagonismo que merecen.
Este ano contarán coas Pandereteiras de Toutón (Mondariz) como grupo convidado. Haberá carpa e a festa rematará cunha chocolatada para as e os participantes.
