Este venres 2 de febreiro comeza o II Ciclo de Concertos do IES Auga da Laxe, en Gondomar, organizado polo Departamento de Música do centro, dirixido por Sergio Álvarez, que se celebrará o primeiro venres de cada mes, de febreiro a xuño.
O primeiro grupo será Oie Trío, formado por Diego Alonso (saxo), Wilfried Wilde (guitarra eléctrica), e Alexandre Touceda (contrabaixo). O concerto comezará ás 20:30 horas no Salón de Actos do Instituto.
Donativo 5 euros. Apertura de portas ás 20:00 horas. Ademais, haberá servizo de cafetería e merchandising.
