Preto de 200 corredores participaron este domingo na XVIII Marcha Cicloturista Concello de Gondomar, organizada polo Club Ciclista Gondomar e apadriñada nesta edición por Lydia Adelín, Gustavo Veloso, Lale Cubino, Delio Fernández e Marcial Rodríguez.
Pasadas as 9:30 da mañá o pelotón partía desde a rúa Eduardo Iglesias, fronte ao Concello de Gondomar, para completar un percorrido de 106 km, pasando por Baiona, Oia, A Guarda, O Rosal, Tomiño, Alto de Tebra, San Antoniño, Tui, Monte Aloia, Morgadáns e Couso, finalizando na Alameda de Gondomar.
Unha vez finalizada a proba os participantes puideron gozar duns petiscos. Para pechar a xornada, o alcalde de Gondomar, Francisco Ferreira, e a concelleira Infraestruturas, Iria Lamas, xunto con Roberto Valverde, presidente do club organizador e os padriños da marcha, foron os encargados de facer a entrega de trofeos aos corredores premiados nesta XVIII edición.
Trofeos 3 primeiros en chegar do tramo libre Tebra- Monte Aloia:
1º David Vidal de Sá
2º Toño García
3º Manuel Fraga
1ª Marina González
2ª Noelia Portela
3ª Belén Gándara
Trofeo ao club máis numeroso:
CC Illas Cíes
Trofeo ao club máis afastado:
CC DH Galicia Team (Sarria)
Trofeo ao ciclista masculino de maior idade:
Domingo González Carrera
Trofeo ao ciclista masculino de menor idade:
Brais Gómez Cima
Trofeo á ciclista feminina de maior idade:
Belén Gándara Pereira
Trofeo á ciclista feminina de menor idade:
Noelia Portela González
